موقع كتيبة العدآله في لعبة أمل الشعوب [rappelz] العربيه فأهلآ بالجميع


    قصيده شاب فقير يخطب بنت عمه

    شاطر
    avatar
    جوجو
    مشرف
    مشرف

    عدد المساهمات : 271
    تاريخ التسجيل : 15/10/2009

    قصيده شاب فقير يخطب بنت عمه

    مُساهمة  جوجو في 10/11/09, 04:03 pm

    سبحان من يرزق بتوع الملاييـن*** الرازق اللي ما يخيب الرجـا بـه

    لي عم عنده معـرضٍ للصواليـن ***أموت واعرف بس من وين جابـه

    وإذا سألته قـال بعـت الدكاكيـن***ما يدري إني ما هضمت الإجابـة



    الشاهد إني رحت له قبـل يوميـن***في قصره العامـر ودقيـت بابـه

    قال أرحب أرحب عدّد ورد البساتين***يا مرحبا باللـي لفـا يـا هلا بـه

    قلت البقا عـدّ النفـل والرياحيـن ***يا شيخ شمل أهل الكرم والذرابـه

    قال اسلم الله يحفظك لي من العين***وآمر أوامر حضرتـك مستجابـة

    قلت الصراحة طالبٍ قرب غاليـن*** ودي تزوجنـي كريمتـك يـابـه

    ثنّى وقال أهليـن والله وسهليـن***والكون ترخص لجل عينك رقابـه

    لكن ترا عندي شـروط وقوانيـن***قلت اشرط اشرط يا حبيب الغلابـة

    قال أولاً مهر العروسـة ثمانيـن***غير الرسوم وغير حق العصابـة

    والثانية عمك يبي منـك سبعيـن***رسم الأبـوّة والنسـب والقرابـة

    وأم العروسة حقها منـك ستيـن***عشانها ست الحسـن والمهابـة

    وإخوانها كلن يبي منـك خمسيـن***عداً ونقـداً تنـدرج فـي حسابـه

    وخواتها الخمس عطهن من ثلاثين***عشان تتوثـق عـروق النسابـة

    وتجيب طقم عيار واحد وعشرين***وخاتم من الماس المصفى ترابـه

    وأكياس متروسة كعوب وفساتيـن***ألوانهـا وأشكالهـا مـا تشابـه

    وموتر بسواقـه وفيـلا بدوريـن***أثاثهـا مـن بطرتـه ينحكـى بـه

    واحجز لنا قاعة بقصر السلاطيـن***واحجز بهـا رقاصتيـن وربابـه

    هذي الشروط اللي على بالي الحين***وذكرني اللي ما حسبنـا حسابـه

    قلت اذكر الله يا عـدو المساكيـن***واستغفـره لا يبتلـيـك بعـذابـه

    الظاهر إنك منت عارف أنا ميـن ***أنا لو أرقى فـوق متـن السحابـه

    ما جبت حتى نص درزن مواعيـن***واضحك بكيفك واعتبرهـا دعابـة

    شروطكم هذي شـروط المجانيـن***شروطكم شغـل ابتـزاز ونهابـه

    شروطكم تقصم ظهـور البعاريـن***شروطكـم همّـن وغـم وكآبـه

    شروطكم والله سيوف وسكاكيـن***تذبح بنات المجتمع مـع شبابـه

    وين الرضا والعطف واليسر والليـن***اللي ذكرهـا الله بمحكـم كتابـه

    وين الصفات اللي أمرنا بها الديـن **وين اختفى نهج النبي والصحابـة

    يا عم جعل اللي خلقنا من الطيـن**يرد عقلك مـن خطـاه لصوابـه

    ويجعل نصيبي عند غيرك قل آمين**ويحسن عزا الصابر ويجزل ثوابه

    قال أنت لو فكرت تفكير صاحيـن***ما شفت في مجمل شروطي غرابه

    حنا بعصـر العولمـة والمزاييـن *** ماهوب عصر الفلسفة والخطابـة

    الناس تسعى للرتـب والنياشيـن***وأنت اهتمامك بالشعـر والكتابـة

    والشعر ما ينفعك لو هو دواويـن***ما دام جيبك مثـل بيـت الخرابـة

    يا بوك لا تسمع كلام المصاخيـن***واسأل مجرب عاش في وسط غابه

    قلت الله أكبر يا محـرر فلسطيـن ***من يسمعك يحسبك ذيـب الذيابـه

    تراك شايب رأس مالـك رياليـن ***والبنت ما تسوى جنـاح الذبابـة
    <<< خربت الأخلاق


    قال انقلع مالت على وجهك الشين****لا عاد أشوفـك عندنـا يالزلابـه

    قلت ابشر أبشر لكن الباب من وين**وأقفيت من عنده على صوت بابـه

    تحيتي$جوجو$
    avatar
    elj0ker
    عضو محترف
    عضو محترف

    عدد المساهمات : 99
    تاريخ التسجيل : 04/11/2009
    العمر : 27

    رد: قصيده شاب فقير يخطب بنت عمه

    مُساهمة  elj0ker في 10/11/09, 04:13 pm

    يسلمووووو يا ذوووووق والله القصيدة قوية بصراحة

    في الاول شفتها طويلة قلت بقرى بس مقدمتها شوي لقيت نفسي في آخرها


    avatar
    اسود
    عضو محترف
    عضو محترف

    عدد المساهمات : 90
    تاريخ التسجيل : 15/10/2009

    رد: قصيده شاب فقير يخطب بنت عمه

    مُساهمة  اسود في 10/11/09, 06:05 pm

    مشكوووره على القصيده
    صحيح هذي الشروط في هذي الايام
    قصيده حلوه جدا والله
    avatar
    الجديدي(Lee)
    مشرف
    مشرف

    عدد المساهمات : 125
    تاريخ التسجيل : 18/10/2009

    رد: قصيده شاب فقير يخطب بنت عمه

    مُساهمة  الجديدي(Lee) في 10/11/09, 07:50 pm

    مشكووووره جوجو عالقصيدة
    الجميلة rabbit
    avatar
    NooN
    عضو جديد
    عضو جديد

    عدد المساهمات : 5
    تاريخ التسجيل : 21/12/2009
    العمر : 30

    رد: قصيده شاب فقير يخطب بنت عمه

    مُساهمة  NooN في 21/12/09, 12:20 am

    وتجيب طقم عيار واحد وعشرين***وخاتم من الماس المصفى ترابـه

    وأكياس متروسة كعوب وفساتيـن***ألوانهـا وأشكالهـا مـا تشابـه

    وموتر بسواقـه وفيـلا بدوريـن***أثاثهـا مـن بطرتـه ينحكـى بـه

    واحجز لنا قاعة بقصر السلاطيـن***واحجز بهـا رقاصتيـن وربابـه




    احلى شي والله ... ومن غير الباقي كله هاذا بس يكفي من العريس .. Cool




    يسلمووو جوجو .. lol!
    avatar
    جوجو
    مشرف
    مشرف

    عدد المساهمات : 271
    تاريخ التسجيل : 15/10/2009

    رد: قصيده شاب فقير يخطب بنت عمه

    مُساهمة  جوجو في 21/12/09, 05:18 am

    يسلموووووووووووووو ياحلوين على مروركم
    عقبال مااشوفكم شعراء
    ههههههههههههههههه اكيد في الاحلام
    تحيتي$جوجو$

      الوقت/التاريخ الآن هو 12/12/18, 09:56 pm